BOKS: Roýchtyń kómegimen Kotto burynǵysyna qaraǵanda edáýir kúsheıdi - Bob Arým
ASTANA. QazAqparat - Meksıkandyq Saıl Alvarespen jekpe-jek Freddı Roýchtyń jattyqtyrýy arqasynda WBC tujyrymy boıynsha orta salmaqtaǵy álem chempıony pýertorıkandyq Mıgel Kottonyń paıdasyna sheshiledi, dep esepteıdi promoýter Bob Arým.
Arýmnyń atap ótýinshe, eger Kottony Roých daıyndamasa, Alvares basym túser edi.
«Freddıdiń jetekshiligi arqasynda Kotto burynǵysyna qaraǵanda edáýir kúsheıdi. Kanelomen aıqas óte aýyr bolady. Biraq Fredıdiń biliktiligi Mıgelge basym bolýǵa negiz qalaıdy. Men ol bolmaǵanda Kanelonyń myqtylyǵyna shúbá keltirmes edim. Degenmen bul kezdesý báribir asa shıelenisti bolady»,-degen Arýmnyń sózin keltiredi Boxing Scene. Eske sala ketsek, Kotto men Alvarestiń jekpe jegi resmı túrde jarııalana qoıǵan joq. Biraq eki jaǵy da uzaq ýaqyttan beri rıngte kezdesýge ynta tanytyp otyr. Golden Boy Promotions bul aıqasty qyrkúıek nemese qazanda uıymdastyrý nıetinde, dep jazady vesti.kz.
