BOKS: Reseılik Povetkın ýkraındyq Glazkovpen jekpe-jekke shyqpaq
ASTANA. QazAqparat - Reseılik boksshy Aleksandr Povetkınniń komandasy ýkraındyq asa aýyr salmaqtaǵy Vıacheslav Glazkovpen qolǵap túıistirmekshi.
Jekpe-jek aldaǵy maýsym aıynda bolady dep kútilýde.
Bul týraly Halyqaralyq boksshylar federatsııasynyń nusqasy boıynsha (IBF) Soltústik Amerıkanyń chempıony Vıacheslav Glazkovtyń ózi aıtty. «Iá, Povetkınniń kásipqoı sportty uıymdastyrý kompanııasynan eki kún buryn maýsym aıynyń basynda onymen jekpe-jekke túsýim týraly usynysy tústi. Muny kóre jatarmyz», - dedi ol.
Vıacheslav Glazkov - asa aýyr salmaq sanatyndaǵy ýkraındyq kásibı boksshy, 2007 jylǵy álem chempıonatynyń kúmis júldegeri, 2008 jylǵy Beıjińdegi XXIX olımpıadalyq oıyndardyń qola júldegeri, dep habarlaıdy Rosbalt.
