BOKS: Povetkın men Klıchko arasynda qarymta match ótýi yqtımal
ASTANA. QazAqparat - Reseılik boksshy Aleksandr Povetkın men tórt uıym nusqasy boıynsha aýyr salmaqtaǵy álem chempıony ýkraındyq Vladımır Klıchko arasyndaǵy qarymta kezdesý 2016 jyly ótýi múmkin.
Bul týraly «Reseı 2» telearnasynyń efırinde reseıliktiń promoýteri Andreı Rıabınskıı habarlady.
Povetkın men Klıchko arasyndaǵy alǵashqy aıqas 2013 jylǵy 5 qazanda Máskeýde ótken. Onda ýkraındyq tóreshiler sheshimimen jeńiske jetti.
«Klıchkomen jekpe-jek 2015 jyly bolmaıtyny anyq. Bálkim, 2016 jyly ótetin shyǵar. Qazir Klıchkomen eshqandaı kelissóz júrgizip jatqan joqpyz. Onymen kelisý ońaıǵa soqpaıtynyn sezemin, - dep atap ótti Rıabınskıı. - Povetkın Klıchkomen búgin bolsa da shyǵýǵa daıyn, alaıda qazirgi jaǵdaıda, bastysy - asyqpaı bárin jaqsylap jan-jaqty josparlap alý qajet».
Klıchkonyń esebinde 65 jeńis (62 - nokaýt) bolsa, 3 ret ese jibergen. Povetkın 28 ret (26 - nokaýt) basym túsip, bir ret jeńilgen.
