BOKS: Pakıaonyń komandasy Meıýezermen qarymta kezdesý jaıly kelissózder júrgizýde
ASTANA. QazAqparat - Fılıppındik boksshy Mennı Pakıaonyń komandasy amerıkalyq Floıd Meıýezermen qarymta kezdesý ótkizý jaıly kelissózder júrgizip jatyr.
Bul týraly Pakıao Halyqaralyq boks qaýymdastyǵynyń baspasóz qyzmetine aıtty.
"Sońǵy aıqasymda (Hýan Manýelmen) Markespen kezdeskim, (Tımotı) Bredlı nemese Meıýezermen qaıta kezdesip, kúsh synasqym keledi. Meniń komandam osy másele boıynsha, bul kezdesýdi Dohada ótkizý jóninde kelissózder júrgizip jatyr", - dedi Pakıao.
Óziniń sońǵy kezdesýinde 3 mamyrda Las- Vegasta Pakıaony jeńgen Meıýezer 66,68 kg salmaq dárejesinde úsh beldikti - Dúnıejúzilik boks uıymy (WBO), Dúnıejúzilik boks qaýymdastyǵy (WBA) jáne Dúnıejúzilik boks keńesi (WBC) beldikterin biriktirdi. Kóptegen sarapshylar "ǵasyr jekpe-jegi" dep ataǵan kezdesý amerıkalyqtyń paıdasyna sheshildi. Esep - 118:110, 116:112, 116:112.
