BOKS: Pakıao sáýir aıynda sońǵy jekpe-jegin ótkizedi
ASTANA. QazAqparat - Áıgili fıllıppın boksshysy Mennı Pakıao 2016 jyldyń 9 sáýirinde rıngke sońǵy ret shyǵatynyn málimdedi.
Osyǵan deıin 36 jastaǵy Pakıao sporttaǵy mansabyn aıaqtap, saıasatpen aınalysýǵa bet buratynyn aıtqan edi. Sportshynyń promoýteri Bob Arýmnyń aıtýynsha, Pakıaony mamyr aıynyń ortasynda Fıllıppın senatyna saılaýǵa túspek.
Pakıaonyń aldaǵy jekpe-jeginde kimniń qarsylas bolatyny ázirge belgisiz.
Negizgi qarsylastar qatarynda amerıkalyq Terens Kroýford (27 jeńis, 0 jeńilis) ı brıtandyq Amır Han (31 jeńis, 3 jeńilis) bar. Al Pakıaonyń ózi kásibı rıngte 57 ret jeńiske jetken. Onyń 38-i nokaýtpen aıaqtalsa, altaýynda jeńilip, 2 jekpe-jek teń aıaqtalǵan.
