BOKS: Ózbekstan komandasy qazaq qyzdarynan bir upaı da ala almady
ASTANA. QazAqparat - Búgin Almatyda ótip jatqan «tórttiktiń týrnırinde» Qazaqstan áıelder quramasy Ózbekstan komandasyn 10:0 etip utty, dep jazady egemen.kz NewTimes.kz tilshisine siltememen.
Týrnır Almaty oblysynyń Talǵar qalasynda Halyqaralyq áýesqoı boks qaýymdastyǵy (AIBA) quzyretindegi Búkilálemdik boks akademııasynda ótip jatyr. Oǵan Ózbekstan, Mońǵolııa, Reseı jáne Qazaqstan quramalary qatysýda.
Jarys keshe, 5 maýsym kúni Qazaqstan - Mońǵolııa jasaqtarynyń kezdesýimen bastaldy. Matchta qazaqstandyqtar 11:2 esebimen jeńiske jetti.
Búgin qazaqstandyqtar sapynan Alına Turlybaeva (48 kg), Jaına Shekerbekova (51 kg), Sánııa Sultanqyzy men Janna Basqaeva (57 kg), Gúljan Úbbinııazova (60 kg), Azııa oıyndarynyń qol júldegeri Saıda Hasenova (64 kg), jastar arasyndaǵy álem chempıony Gaýhar Ermekbaı (69 kg) jáne Anastasııa Rylınalar (75 kg) qarsylastaryna eshqandaı múmkindik qaldyrǵan joq - 10:0.
Jarystyń birinshi kúni Reseı quramasy Ózbekstan qyzdaryn 7:3 etip súrindirdi.
Erteń bizdiń qyzdar Reseı komandasymen bettesedi.
