Boks: Olımpıadalyq irikteýde Birjan Jaqyp fınalǵa shyqty
ASTANA. 11 sáýir. QazAqparat - Búgin Bokstan Astanada ótip jatqan olımpıadalyq irikteý synynyń jartylaı fınaldyq kezdesýleri bastaldy.
«Alaman» portalynyń málimetinshe, sharshy alańǵa asa jeńil salmaqtaǵy Birjan Jaqyp shyǵyp, jeńiske jetti.
Ózbek Shahobodın Zaırovpen judyryqtasqan Birjan ony 20:11 esebimen utty. B. Jaqyp birinshi raýndta 7:3 esebimen basym tússe, ekinshi raýndta 8:4 esebi tirkeldi. Úshinshi kezeń 5:4 esebimen bizdiń paıdamyzǵa sheshildi. Birjan Jaqyp endi London joldamasyn japon Naoýo Inoemen sarapqa salady. Kúnshyǵys eliniń boksshysy óz kezeginde jasóspirimder arasyndaǵy álem chempıony Asror Vahıdovty (Tájikstan) utty.
