BOKS: Olımpıada júldegerleri Qazaqstanǵa birinshi oryn alyp berdi
ASTANA. 17 naýryz. QazAqparat - Chehııada bokstan ótip jatqan "Gran Prı" básekesi qazaq boksshylary úshin sátti aıaqtaldy. Onda Іlııas Súleımenov pen Ádilbek Nııazymbetov jáne Ivan Dychko chempıon atandy.
52 keli salmaqta el namysyn qorǵaǵan Іlııas Súleımenov fınalda qytaılyq Maı Kınkıksıandy 16:10 esebimen jeńip, chempıon atandy, dep habarlaıdy alasharena.kz.
81 kelide synǵa túsken London Olımpıadasynyń kúmis júldegeri Ádilbek Nııazymbetov aqtyq synda gollandııalyq Peter Mýllenbergpen judyryqtasyp, 10:9 esebimen basym tústi.
Asa aýyr salmaqtaǵy Ivan Dychko fınalda armenııalyq Armen Sımonıandy jeńip, ulttyq quramaǵa úshinshi jeńispen qatar, jalpykomandalyq eseptegi birinshi oryndy alyp keldi.
Keshe jastarymyz Azııa birinshiliginde 4 altyn alyp, top jarǵan edi. Endi, ulttyq qurama da Chehııa tórinen oljaly oralýda.
