Boks: «Nemis qyrandaryna» qarsy shyǵatyn «Arlandardyń» esimderi belgili boldy
ASTANA. 9 qańtar. QazAqparat - WSB serııasynyń toptyq kezeńi 11-12 qańtar kúni qaıta jalǵasady.
«Alaman» agenttiginiń jazýynsha, qazaqstandyq «Astana arlandary» kezekti kezdesýin Gannover qalasynda «Nemis qyrandaryna» qarsy ótkizedi. Jarystyń resmı saıty qos komandanyń quramyn jarııalady.
Atap aıtqanda, 50-54 kelide qazaq boksshysy Baǵdat Álimbekov rýmynııalyq Nıkolae Ravzan Andrıanamen kezdesedi.
57-61 keli salmaqta sharshy alańǵa qos ırlandııalyq boksshy shyǵady: Olıver Joıs - Erık Donovan.
68-73 kelide Sergeı Derevıanchenko nemis Hek Paskalımen judyryqtasady.
80-85 keli salmaqta nemister óz boksshylary Serge Mıcheldi qoıyp otyr. Onyń qarsylasy Sep Hrgovıch.
Asa aýyr salmaqta da nemis-horvat teketiresi. Rıng ıeleriniń namysyn Erık Brechlını qorǵaıdy. Al «Arlandar» Fılıpp Hrkovıchke senim artyp otyr.
