Boks: Nazym Qyzaıbaı «Strandj kýbogy» týrnıriniń jartylaı fınalyna shyqty
NUR-SULTAN. QazAqparat – Qazaqstandyq boksshy Nazym Qyzaıbaı «Strandj kýbogynyń» jartylaı fınalyna shyqty. Týrnır osy kúnderi Bolgarııanyń astanasy Sofııada ótip jatyr, dep habarlaıdy QazAqparat Sports.kz saıtyna silteme jasap.
Shırek fınalda Qyzaıbaı ıspanııalyq sportshy Laýra Fýertes Fernandespen 50 kılogramǵa deıingi salmaq sanatynda jekpe-jekke shyǵyp, tóreshilerdiń biraýyz sheshimimen jeńiske jetti.
Qazaqstandyq 2014 jáne 2016 jyldary Qazaqstan men Ońtústik Koreıada eki dúrkin álem chempıony atanǵan.
Atap ótý kerek, búgin rıngke taǵy úsh qazaqstandyq shyǵady: Balaýsa Mýzdıman (54 kılogramǵa deıingi salmaq sanatynda), Dına Jolaman (54 kılogramǵa deıingi salmaq sanatynda) men Karına Ibragımova (57 kılogramǵa deıingi salmaq sanatynda).
