Boks: Myrzaǵalı Aıtjanov qyzmetinde qaldy
ASTANA. 29 tamyz. QazAqparat - Qazaqstan boks quramasynyń bas bapkeri Myrzaǵalı Aıtjanov óz qyzmetinde qaldy.
«Alaman» sport agenttiginiń málimetinshe, jattyqtyrýshy qazaq boksshylaryn endi Rıo-de-Janeıro olımpıadasyna daıyndaıdy. Bul týraly Qazaqstan boks federatsııasynyń prezıdenti Tımýr Qulybaev málimdedi.
«Aıtjanov ulttyq quramany joǵary deńgeıge shyǵara aldy. London olımpıadasyndaǵy nátıje onyń jumysynyń tolyq nátıjesi. Aldaǵy olımpıadaǵa da boksshylardy osy bapker daıyndaıtyn bolady», - dedi T.Qulybaev Astanada ótken jıynda.
Qazaqstan boks quramasy endi 2013 jyly Astana qalasynda ótetin álem chempıonatyna daıyndalady.
