BOKS: Mıgel Kotto Denıel Gıldi nokaýtqa jiberdi
ASTANA. QazAqparat - Nıý-Iorkte jańa ǵana WBC tujyrymy boıynsha orta salmaqtaǵy álem chempıony Gennadıı Golovkınniń yqtımal qarsylasy 34 jastaǵy pýertorıkandyq Mıgel Kotto orta salmaqtaǵy burynǵy álem chempıony, ótken jyly qazaqstandyq nokaýtqa jibergen 34 jastaǵy avstralııalyq Denıel Gılmen judyryqtasty.
Kotto jekpe-jekti senimdi túrde bastady. Soqqy jasaý úshin qashyqtyqty ońtaıly tańdaı bildi. Gıl aıqasty shıelenistirýge tyrysqanymen, jyldamdyǵy báseńdeý boldy da dittegenine qol jetkize almaı, álekke tústi. Tórtinshi raýndta birshama soqqy almasqannan keıin, Gıl sol búıirden qýatty soqqy jiberip aldy - nokdaýn.
Ol ornynan tura aldy, alaıda Kotto qarqynyn kúsheıte túsip, ony qaıta qulatty. Avstralııalyq boksshy ornynan turǵanymen, tóreshiler jekpe-jekti toqtatty, dep habarlaıdy sports.kz.
