BOKS: Meıýezer men Berto 12 qyrkúıekte jekpe-jekke shyǵatyn boldy
ASTANA. QazAqparat - Ataqty amerıkalyq boksshy Meıýezer men onyń otandasy Andre Berto jekpe-jek týraly kelisimshartqa qol qoıdy. Bul jaıly TMZ. habarlady.
Portaldyń derekterine qaraǵanda, taraptar kepissózdi birneshe apta boıy júrgizip, aqyrynda ózara kelisimge kelgen. 12 raýndtyq jekpe-jek 12 qyrkúıekte Las-Vegasta (SShA, Nevada shtaty) ótetin boldy.
Bul aıqas Meıýezer úshin Showtime telearnasymen jasaǵan kelisim aıasyndaǵy alty jekpe-jektiń sońǵysy. Budan buryn ol osy kezdesýden soń sporttyq jolyn aıaqtaıtyndyǵyn málimdegen bolatyn. Sońǵy aıqasynda, ıaǵnı 3 mamyrda Las-Vegasta (SShA, Nevada shtaty) 66,68 keli salmaqta fılıppındik Mennı Pakıaony jeńgennen keıin Meıýezer Dúnıejúzilik boksshylar uıymynyń (WBO), Dúnıejúzilik boksshylar qaýymdastyǵynyń (WBA), Dúnıejúzilik boksshylar keńesiniń (WBC) belbeýlerine ıe bolǵan edi. Biraq 7 shildede amerıkalyq WBO tıtýlynan aıyryldy.
Meıýezer 48 ret jeńiske jetken, birde-bir ret jeńilip kórmegen. Al 31 jastaǵy Bertonyń esebinde 30 jeńis (23 nokaýt) úsh jeńilis bar.
