BOKS: Men ózime laıyqty qarsylasty kóre almaı otyrmyn - Karl Froch
ASTANA. QazAqparat - Brıtandyq boksshy Karl Froch áli kúnge deıin sporttyq jolyn jalǵastyrýǵa baılanysty bir sheshimge kele almaı otyr, dep habarlaıdy Vesti.kz "Chempıonat.comǵa" silteme jasap.
«Eger boksty tastasam, óte baqytty jan bolar edim. Men fantastıkalyq jetistikterge qol jetkizdim. Jurttyń bári menen judyryqtasýymdy jalǵastyramyn ba, joq álde sporttaǵy jolymdy toqtatamyn ba, osy jaıly resmı málimdememdi estigileri keledi. Biraq ózim de qalaı bolaryn bilmeımin. Eger laıyqtylar tabylyp jatsa, onda men rıngke qaıta shyǵamyn. Biraq dál qazir ondaı qarsylasty kórip turǵanym joq, degen Frochtyń sózin keltiredi TalkSport.
