BOKS: Martınes-Kotto jekpe-jeginiń jeńimpazy WBC chempıonynyń jańa úlgidegi belbeýine ıe bolady
ASTANA. QazAqparat - Argentına boksshysy Serhıo Martınes pen pýertorıkalyq Mıgel Kotto arasyndaǵy jekpe-jektiń jeńimpazy WBC nusqasy boıynsha jańa úlgidegi chempıondyq belbeýdi ıelenedi, dep habarlaıdy Shampionat.com.
Aıta keteıik, WBC uıymy chempıondyq belbeýlerdiń jańa túrin jasap shyǵarǵan bolatyn. Olardyń qasbetinde qaıtys bolǵan qaýymdastyqtyń burynǵy prezıdenti Hose Sýleımannyń beınesi tańbalanbaq. Sonymen qatar árbir salmaq dıvızıony boıynsha tarıhqa aty engen eń úzdik boksshylardyń sýretteri basylyp otyrady. Belbeýlerde beıneleri basylatyn sportshylardy jankúıerlerdiń ózderi tańdamaq.
WBC nusqasy boıynsha orta salmaqtaǵy chempıon Serhıo Martınes pen burynǵy chempıon Mıgel Kotto arasyndaǵy kezdesý 7 maýsymda ótedi.
