Boks: Madııar Áshkeevtiń qarsylasy anyqtaldy
ASTANA.QazAqparat - Birinshi orta salmaqta bokstasatyn qazaqstandyq Madııar Áshkeevtiń (8-0-0, 4KO) kelesi qarsylasy anyqtaldy, dep habarlaıdy QazAqparat.
BoxRec portalynyń málmetterine súıensek, otandasymyz 3 naýryz kúni AQSh-tyń Nıý-Iork qalasyndaǵy «Medıson Skver Garden» arenasynda sharshy alańǵa shyǵyp, domınıkandyq boksshy Hose Antonıo Abreýmen (13-3-0, 8KO) judyryqtasady.
Aıta keteıik, boks keshiniń basty jekpe-jegi reseılik Sergeı Kovalev pen otandasy Igor Mıhalkın arasynda ótedi.
