BOKS: M. Volnova álem kýbogynyń jeńimpazy
ASTANA. 10 jeltoqsan. QazAqparat - Bokstan Reseıdiń Beloıarsk qalasynda ótip jatqan munaıly elder arasyndaǵy álem kýbogy márege jetti.
Bul synnan Qazaqstan 2 altyn, 1 kúmis enshiledi, dep habarlaıdy «Alaman» sport agenttigi.
London olımpıadasynyń júldegeri Marına Volnova (75 kg) fınalda reseılik Inna Sagaıdakovskaıany 15:9 esebimen utyp, týrnır chempıony atandy.
Erler arasynda 49 kelide Azat Qamzın fınalda mońǵolııalyq Gang Erdeng Gankhýangtan basym túsip (14:7), altyn aldy.
Al 91 kelide Vasılıı Levıt kúmis júldeger atandy. Ol fınalda reseılik Sergeı Korneevpen 15:15 esebimen teń túsken. Keıin tóreshilerdiń sheshimimen jeńis sharshy alań ıesine berildi.
Qazaqstan jalpy esepte Reseıden keıingi ekinshi oryn aldy.
