BOKS: Lázzat Kúngeıbaeva kúmis júldeger atandy
ASTANA. QazAqparat - Ońtústik Koreıanyń Chedjý qalasynda bokstan áıelder arasynda ótken álem chempıonatynda qazaqstandyq Lázzat Kúngeıbaeva 81 keliden astam salmaqta kúmis júldeger atandy.
Qazaqstan boks federatsııasynyń saıtynan alynǵan málimetke qaraǵanda, Lázzat sheshýshi kezdesýde reseılik Zemfıra Magomedalıevamen kúsh synasty. Birinshi raýndta qazaqstandyq boksshy basymdylyq kórsetip, tóreshiler ony 10:9 dep baǵalady. Ekinshi kezeńde Z.Magomedalıeva tizgindi óz qolyna aldy. Úshinshi raýndta tóreshiler L.Kúngeıbaevanyń esebine nokdaýn jazdy.
Aıta keteıik, búgin Nazym Qyzaıbaı 48 keli salmaqta álem chempıony atanǵan bolatyn. Sóıtip bul birinshilikte qazaqtyń boksshy qyzdary óz tarıhynda alǵash ret bir altyn, bir kúmis júldeni oljalap otyr. Bul Rıo-de-Janeıroda 2016 jyly ótetin Olımpıadada qazaqstandyq boksshy qyzdardyń da júlde alýǵa múmkindigi bar degen sóz.
