BOKS: Kýbrat Pýlevtiń salmaǵy Vladımır Klıchkodan aýyr bolyp shyqty
ASTANA. QazAqparat - Bolgar boksshysy Kýbrat Pýlev tıtýl úshin aıqas aldyndaǵy salmaq ólsheýde asa aýyr salmaqta tórt nusqa boıynsha álem chempıony ýkraındyq Vladımır Klıchkodan aýyr bolyp shyqty.
BoxingScene-ge silteme jasaǵan "R-Sport " agenttiginiń habarlaýynsha, ýkraındyq boksshynyń salmaǵy 111,5, al qarsylasy 112 keli bolǵan.
Eske sala ketsek, Pýlev 2013 jylǵy qazan aıynda amerıkandyq Tonı Tompsondy jeńip, IBO nusqasy boıynsha álem chempıondyǵyna mindetti úmitker ataǵyna talasý quqyn jeńip alǵan edi.
Bulardyń arasyndaǵy jekpe-jek senbi kúni Gambýrgte ótedi. Eger Kýbrat Pýlev basym túsken jaǵdaıda, ol asa aýyr salmaqta tek IBF nusqasy boıynsha ǵana chempıon atanady.
Al jeńis Klıchkoǵa IBF-den basqa IBO, WBO jáne WBA tıtýldaryn qorǵaýǵa múmkindik týǵyzady.
