BOKS: Kýbalyqtarmen kúshimiz teń - Serik Sápıev
ASTANA. QazAqparat - Olımpıada chempıony, "Astana Arlans" klýbynyń basshysy Serik Sápıev WSB týrnıriniń aqtyq synynda qazaqstandyq boksshylarǵa óte aýyr bolady dep esepteıdi.
"Meniń oıymsha, Reseı boksshylarymen bolǵan jartylaı fınaldyq kezdesýdegideı bolmaıdy. Kýbalyqtar qaıratty jáne óte myqty. Reseılikterden úlken qarsylastyq kútken edik. Kýbalyqtarmen kúshimiz teń dep esepteımin", - dedi S. Sápıev.
"Men kýbalyqtarmen rıngte talaı kezdestim. Olar tehnıkalyq turǵyda óte saýatty jáne ózderin rıngte qojaıyn sanaıdy. Sondyqtan olarǵa rıngti berip qoımaı, óz degenińdi, óz boksyńdy májbúrleýiń kerek", - dep atap ótti klýb basshysy.
Eske salaıyq, 20-21 maýsym kúni Astanada ótetin Búkilálemdik boks serııasynyń aqtyq synynda "Astana Arlans" osy maýsymda jeńilip kórmegen "Kýba Domadores" boksshylaryna qarsy shyǵady.
