BOKS: Kýbalyq «Cuba Domadores» WSB-tiń aqtyq saıysyna shyqty
ASTANA. QazAqparat - Keshe Gavanada «Cuba Domadores» - «Russian Boxing Team» matchynyń jartylaı fınaldyq básekesi ótti.
Olar bokstan álemdik serııanyń jartylaı fınalyndaǵy jaýapty kezdesýinde óz alańynda reseılikterdi 5:0 esebimen utty. Al máskeýdegi match 3:2 esebimen aıaqtalǵan bolatyn. Sonymen Kýba boksshylary birinshi bolyp WSB - 2013/14 fınalyna shyqty.
Kýbalyq boksshylardyń qarsylasy Ázerbaıjannyń Gýba qalasynda anyqtalady. Onda «Astana Arlans» ben «Baku Fires» arasynda jaýapty kezdesýler ótedi, dep habarlady sports.kz.
