BOKS: Kýba qabylandarynyń qarsylasy - «Meksıko Gýerreros» komandasy
ASTANA. QazAqparat - Búkilálemdik boks serııasynyń besinshi maýsymynda shırek fınalda ózara kezdesken Ázerbaıjannyń «Baký ottary» men Meksıkanyń «Meksıko Gýerreros» komandalary arasyndaǵy jeńimpaz anyqtaldy.
Ázerbaıjan eliniń Gýba qalasynda bolǵan shırek fınaldyq kezdesýler eki kún boıy on salmaq boıynsha ótti. Alǵashqy kúni Meksıkanyń bylǵary qolǵap sheberleri 1:4 esebimen jeńiske jetti. Ekinshi kúni Ázerbaıjan komandasy basym tústi. Alaıda, sheshýshi kúngi kezdesýdiń esebi 3:2 esebimen aıaqtaldy. Sóıtip, jalpy esepte 6:4 kórsetkishpen meksıkalyqtar jartylaı fınalǵa shyqty. Endi olar Kýba boksshylarymen kezdesetin bolady.
Al «Astana arlandary» komandasynyń jartylaı fınaldyq kezdesýdegi qarsylastary 10 jáne 11 mamyr kúnderi anyqtalady. Ol kúnderi Reseıdiń «Rashn Boksın Tım» komandasy men Italııanyń «Italııa Tander» boksshylary jartylaı fınal joldamasyn sarapqa salady.
