Boks: QR Prezıdenti kýbogy týrnıriniń jartylaı fınalyna shyqqan sportshylardyń esimi belgili boldy
ALMATY. 4 mamyr. QazAqparat - Keshe bokstan Almatydaǵy «Balýan Sholaq» atyndaǵy sport saraıynda ótip jatqan QR Prezıdentiniń kýbogy halyqaralyq týrnırinde aqyrǵy 4 salmaq dárejesinde de qazaqstandyq bylǵary qolǵap sheberleri jartylaı fınalǵa shyqty.
Shırek fınaldyq bul saıysta jarys qojaıyndary arasynan rınke eń alǵashqy bop Jambyl oblysynyń týmasy Ǵanı Jaılaýov (60 kg) kóterildi. Bul jekpe-jekte salǵan jerden albanııalyq qarsylasy Metıdjı Hıshamdy (Hicham Metijji) soqqynyń astyna alǵan Ǵanı 20-6 esebimen jeńiske jetti. Ǵanı erteń endi fınalǵa shyǵý úshin almatylyq Ashat Jeńisbekten basym túsken ýkraın Tıgran Sımonıanmen (Tigran Simonyan) judyryqtasady. Jartylaı fınaldyń ekinshi jubynda almatylyq Bekman Soılybaevtan aılasyn asyrǵan ulttyq qurama úzdikteriniń biri Samat Bashenov kýbalyq Lopez Toledomen óner kórsetedi.
Álemniń eki dúrkin chempıony Serik Sápıev (69 kg) ýkraın Denıs Lazarevpen, Danııar Eleýsinov Baqytjan Qojabekovpen kezdesedi. Ádilbek Nııazymbetov (81 kg) reseılik Danıl Shvedpen, al Nurjan Bekzatov (+91 kg) kýbalyq Erıslandı Savonmen, Ivan Dychko úndistandyq Sınh Kanýarpreetpen (Singh Kanwarpreet) judyryq túıistirmek.
Buǵan deıin jartylaı fınaldyń joldamasyna 49 kelige deıingi salmaqta Ádilet Qapezov pen Birjan Jaqypov, 52 kelide Ilıas Súleımenov, 75 kelide Nurdáýlet Jarmanov ıe bolǵan edi.
