Boks: qos birdeı qazaq qyzy álem chempıonatynyń fınalyna shyqty
ASTANA. QazAqparat - Ońtústik Koreıanyń Djedjý qalasynda bokstan áıelder arasynda ótip jatqan álem chempıonatynda qos birdeı qazaq qyzy fınalǵa shyqty.
Qazaqstan boks federatsııasynyń saıtynan alynǵan málimetke qaraǵanda, aldymen Nazym Qyzaıbaı 48 keli salmaqta japon qyzy Madoký Vadýdy 3:0 esebimen jeńip, sońǵy aıqasqa joldama aldy. Onyń fınaldaǵy qarsylasy - úndistandyq Shamdjetsabam Sardjýbala.
Keshe keshkisin Lázzat Kúngeıbaeva da 81 keliden astam salmaqta túrik qyzy Emıne Bozdýmandy 3:0 esebimen tize búktirdi. Búgin ol sheshýshi shaıqasta reseılik Zenfıra Magomedalıevamen sharshy alańǵa shyǵady.
Almaty qalasynyń namysyn qorǵap júrgen 21 jasar Nazym 2012 jylǵy álem chempıonatynyń qola júldegeri ekenin aıta keteıik. Al astanalyq, 1987 jylǵy L.Kúngeıbaeva - 2012 jylǵy Azııa chempıonatynyń qola júldegeri.
Sóıtip, álem chempıonatynyń fınalynda tuńǵysh ret qos birdeı qazaqstandyq altyn júlde úshin talasqaly otyr.
