Boks keshi: Nokaýtqa túsirý «dástúrin» Álı Baloev jalǵady

ASTANA. QazAqparat - Beıbit Shúmenovtiń boks keshi aıasynda qazaqstandyq boksshy Álı Baloev Ázerbaıjannan kelgen Kazım Ýmýdovty birinshi raýndta nokaýtqa túsirdi, dep habarlaıdy QazAqparat tilshisi.

Qazaqstandyq boksshy aıqasty sol qolynyń aýyr soqqylarmen bastady. Osylaısha, bir jaǵynan qarsylasyn ańdyp, ekinshi jaǵynan onyń soqqylarǵa shydamdyǵyn baǵamdaǵan Baloevtyń basymdyǵy alǵashqy mınýtta baıqalǵan edi. Osyndaı urymtal sátterdiń birinde Ýmýdov tizerlep otyra qalyp, tóreshi esep ashty. Aqyry, ázerbaıjandyq boksshy ornynan turǵanymen, kezdesýdi ary qaraı jalǵastyrýdan bas tartty.

Kórermender Kazım Ýmýdovtan mundaı álsizdikti kútpese kerek. Olar narazylyqtaryn ysqyryp bildirip jatty. Ázerbaıjandyq osylaısha kásipqoı bokstaǵy alǵashqy jeńilisiniń dámin tatty. Al qazaq boksshysy Álı Baloev óz otandastaryna taǵy bir jeńisti syılady.

Aıta ketsek, qazirgi ýaqytta Beıbit Shúmenov pen Hamıt Altynkaı aıqasynyń anderkarttarynyń aıaqtalýyna az qaldy. Buǵan deıin atalmysh aıqastyń anderkartynda óner kórsetken qazaq boksshylarynyń birde-biri jeńilip kórgen joq.