BOKS: Qazaqstannyń 6 qyzy - Álem chempıonatynyń jartylaı fınalynda
ASTANA. QazAqparat - Búgin Astanada ótip jatqan bokstan áıelder arasyndaǵy álem chempıonatynyń jartylaı fınaldyq básekeleri ótedi jáne Qazaq eliniń 6 boksshysy sharshy alańǵa shyǵady.
Atap aıtqanda, 48 kelide Nazym Qyzaıbaı, 51 kelide Jaına Shekerbekova, 54 kelide Dına Jolaman, 57 kelide Aıjan Qojabekova, 69 kelide Valentına Halzova jáne asa aýyr (81+) salmaqtaǵy Lázzat Kúngeıbaeva el namysyn qorǵaıdy.
«Qazsport» telearnasy jartylaı fınaldyq básekelerdi tikeleı efırde kórsetetini josparlanyp otyr. Jarystyń kúndizgi bóligi Astana ýaqytymen 14-40-ta bastalady. Al keshki bóligi saǵat 18-40-ta jalǵasyn tabatyn bolady.
Al erteń álem chempıonatynyń eń tartysqa toly bolatyn fınaldyq kezdesýlerin «Qazaqstan» ulttyq telearnasy tikeleı efırde kórsetedi.
19 mamyr kúni bastalǵan jahandyq báseke 27 mamyr kúni máresine jetip, qyzdar arasyndaǵy álemniń eń úzdikteri anyqtalatyn bolady.
Barlyq on salmaq boıynsha altyn júlde úshin bolatyn sharshy alańdaǵy kezdesýler Astana ýaqytymen 14-45-te bastalady.
Aıta ketý kerek, álem chempıonaty ótken jyly ashylǵan Astana qalasyndaǵy kóp salaly «Barys-Arena» sport saraıynda ótip jatyr.
Jankúıerlerge tegin kirý múmkindigi qarastyrylǵan.
