BOKS: Qazaqstandyq jasóspirim qyzdar Germanııadaǵy týrnırden 12 medalmen oraldy (FOTO)
ASTANA. QazAqparat - Queens cup boxing halyqaralyq týrnırinen 1996-1998 jyldar aralyǵynda týǵan qazaqstandyq jasóspirim boksshy qyzdar júldeli oraldy, dep habarlanǵan Qazaqstan boksynyń VKontakte jelisindegi paraqshasynda.
Dúbirli doda Germanııanyń Shtarlzýnd qalasynda 23-26 qazan aralyǵynda ótken. Oǵan attanǵan 14 qyzdyń 12-si medalmen oraldy. Atap aıtqanda, Qazaqstan quramasynyń qorjynyna 5 altyn, 2 kúmis jáne 5 qola júlde túsken.
Onyń ishinde Aıgerim Asqarova (eresekter arasynda), Baıan Aqbaeva, Dınara Kákenova, Aıda Ońdash, Aıda Ábikeevalar altyn júldeni qanjyǵalaryna baılasa, Nazerke Jorǵaraeva men Balaýsa Muzdyman kúmisti ıelengen. Al Mahabbat Ábdimanapova, Aqtolkyn Keńesbekova, Uldana Nurlanova, Angelına Lýkas, Nadıra Maratova, Merýert Qonyspaı jarystyń qola júldesin oljalaǵan.
