BOKS: Qazaqstandyq eki qyz Azııa chempıonatynda jarys jolynan shyǵyp qaldy
ASTANA. QazAqparat - Vetnam eliniń Hoshımın qalasynda ótip jatqan bokstan Azııa chempıonatynyń alǵashqy kúni eki qazaqstandyq arý jarys jolynan shyǵyp qaldy, dep habarlaıdy QazAqparat tilshisi.
Azııa birinshiliginiń birinshi kúni úsh burymdy boksshymyz sharshy alańǵa shyqqan bolatyn. Ókinishke qaraı, 54 keli salmaqta synǵa túsken otandasymyz Dına Jolaman men 60 kelide sharshy alańǵa shyqqan Rımma Volosenko qarsylastarynan utylyp qaldy. Dına Jolaman soltústikkoreıalyq Kım Song Sımnen jeńilse, Rımma Volosenko ońtústikkoreıalyq O Eonjıden utyldy.
Al 48 kelide el namysyn qorǵap jatqan arýymyz Alýa Balqybekova básekeni jeńispen bastap, kelesi aınalymǵa ótti. Ol alǵashqy jekpe-jeginde qytaılyq He Lın ıÝnnen basym tústi.
Esterińizge sala keteıik, bul dodada Qazaqstan quramasy tolyq quramda óner kórsetip jatyr. Azııa chempıonatyna 22 elden 118 sportshy baq synaýda.
