Boks: Qazaqstandyq bylǵary qolǵap sheberleri Ózbekstandaǵy halyqaralyq saıysqa qatysýda
TAShKENT. 8 mamyr. QazAqparat - Keshe Ózbekstanda bokstan halyqaralyq týrnır bastaldy.
Aıta keteıik, bul báseke atalmysh sporttyń túri boıynsha mekteptiń negizin qalaǵan Sıdneı Djeksonǵa arnalǵan.
Týrnırge Qazaqstannyń, Qyrǵyzstannyń, Túrikmenstannyń, Fılıppınniń, Reseıdiń sportshylary jáne Ózbekstannyń 3 komandasy qatysýda.
QR Ulttyq kuramasynyń aǵa jattyqtyrýshysy Nurǵalı Safıýllın málim etkendeı, atalmysh saıysta bizdiń respýblıkamyzdyń atynan 11 boksshy - QR Ulttyq quramasynyń músheleri - Temirtas Júsipov (49 keli), Qanat Turǵanbaev (52 keli), Dýman Súleımenov (64 keli.), Manat Ómirzaqov (69 keli), Almat Selımov (81 keli) jáne Vasılıı Levıt (91 keli) baqtaryn synaıdy.
Almaty qalasy quramasynyń jattyqtyrýshy Marat Ashkeevtiń sózine qaraǵanda, qazaqstandyq komandanyń quramynda Tastemir Bıbosynov, Baýyrjan Bıgeldınov (56 keli), Rýstam Rýstamov (60 keli), Rýslan Ǵapparov (69 keli) jáne Qýanysh Ómirzaqov (81 keli) sııaqty ońtústik astananyń ókilderi de bar.
7 mamyrda ótken saıystyń birinshi kúninde rıngke ózbekstandyq Pahlavon Hodjıevqa esesin jibergen Tastemir Bıbosynov (56 keli) shyqty. Sonymen qatar Baýyrjan Bıbosynov ta 56 keli salmaq dárejesinde óziniń qarsylasy Rústem Fatkýllınnen jeńilis tapty.
Boksshylardyń aqtyq jekpe-jekteri 11 mamyrda ótedi.
