Boks: Qazaqstandyq álem chempıony el tarıhynda rekord jasaýy múmkin

ASTANA. QazAqparat - 20 jastaǵy qazaqstandyq sportshy Sadrıddın Ahmedov (6-0, 6 KO) el úshin bokstaǵy tarıhı jetistigine bir qadam jerde, dep habarlaıdy Sports.kz.

Boksshynyń promoýterleri - Eye of the Tiger Management kompanııasynyń bergen málimetinshe, Ahmedov 21 jasqa deıin WBC nusqasy boıynsha «jastar» tıtýly úshin kúresý quqyǵyn alǵan alǵashqy qazaqstandyq boksshy boldy. Sadrıddın kelesi jekpe-jegin 26 qańtar kúni Kanadanyń Monreal qalasynda ótkizedi. Onyń qarsylasy kim bolatyny ázirge belgisiz.

Ahmedovtiń sońǵy jekpe-jegi 14 jeltoqsan kúni Edmontonda (Kanada) ótken. Onda qazaqstandyq boksshy qarsylasy meksıkalyq Elıýd Melendes Rochýdy (14-11-2, 7 KO) birinshi raýndta-aq nokaýtqa jiberdi. Ahmedov kásibı boksta ótkizgen alty jekpe-jektiń altaýynda da qarsylastaryn sulatyp salǵan.

Eske sala keteıik, ol - jastar arasyndaǵy álem chempıony.