Boks: Qazaqstan jastar arasyndaǵy álem chempıonatynda eki altyn, bir kúmis ıelendi
ASTANA. QazAqparat - Dál qazirgi ýaqytta Bolgarııa astanasy Sofııa qalasynda ótip jatqan bokstan jastar arasyndaǵy álem chempıonatynda Qazaqstan eki altyn, bir kúmis ıelendi. Úshinshi altynǵa da úmit bar.
Atap aıtqanda, búgin 46-49 keli salmaq dárejesinde el namysyn qorǵaǵan Shalqar Aıqynbaı fınaldyq kezdesýde ózbekstandyq qarsylasy Súleımen Latıpovtan 3:0 esebimen basym túsip, ulttyq qurama qorjynyna alǵashqy altyn ápergen bolatyn. Al ekinshi altyndy 60 keli salmaq dárejesinde synǵa túsken qaraǵandylyq Abylaıhan Júsipov ıelendi. Fınalda rýmynııalyq qarsylasynan basym túsken Abylaıhan Júsipov bıyl jastar arasyndaǵy Azııa chempıonatynda da top jaryp, týrnırdiń úzdik boksshysy atanǵan bolatyn.
Sonymen qatar, álem chempıonaty ótip jatqan sharshy alańda shymkenttik Sultan Zaýyrbek kúmis medal enshiledi. 56 keli salmaq dárejesinde synǵa túsken ol fınalda Kýba boksshysyna 3:0 esebimen ese jiberip alǵan edi.
Eske sala keteıik, dál qazirgi ýaqytta Sofııa qalasynda ótip jatqan álem chempıonatynyń jartylaı fınalyna Qazaqstannan tórt birdeı boksshy shyqqany belgili bolǵan edi. Sonymen qatar, endi biraz ýaqyttan soń 81 kelide óner kórsetetin jerlesimiz Vadım Kazakov úshinshi altyn úshin sharshy alańda baq synamaq.
