Boks: Qazaqstan jasóspirimder quramasy halyqaralyq týrnırden 21 medal jeńip aldy

ASTANA. KAZINFORM — Bokstan Qazaqstannyń jastar quramasy Rýmynııanyń Braıle qalasynda ótken Dracula Open-2025 halyqaralyq týrnırinde 21 medal jeńip alyp, jalpy esepte kósh bastady.

Naqtyraq aıtsaq, atalǵan týrnırdiń fınalyna 15 qazaq boksshylary shyǵyp, onyń tórteýi chempıondyq ataqqa qol jetkizdi. Al onyń 11-i kúmis júldeni ıelik etse, taǵy 6-aýy qola júldege qol jetkizdi.

Altyn júldeni Arman Mirsábıt (46 kg), Dýlat Azız (57 kg), Tóreǵalı Seıdýllaev (70 kg) jáne Ádil Medelhan (80 kg) jeńip aldy.

Kúmis medalǵa Almas Júnisov (46 kg), Asylan Jeńisbaev (48 kg), Edige Nurǵoja (50 kg), Ulas Álimjan (52 kg), Madııar Ábdikarımov (54 kg), Amar Ramazan (63 kg), Temirlan Eralıev (66 kg), Abylaı Talǵat (70 kg), Mansur Amantaı (75 kg), Nurasyl Aıtekeev (80 kg) jáne Erketań Jarqynbek (80+ kg) qol jetkizdi.

Al úzdik úshtikti Zamanhan Amangeldi (50 kg), Saıat Qarataev (60 kg), Daryn Tasmuhanbetov (63 kg), Tańnur Seısenbaı (75 kg), Baqdáýlet Táji (80 kg) jáne Temirlan Naızabasov (80+ kg) túıindedi.

Osylaısha otandastarymyz jalpykomandalyq esepte birinshi oryndy jeńip aldy.

Sonymen qatar Ózbekstan men Rýmynııa úsh altynnan, Ýkraına eki altyn jáne Grekııa bir altyn medal enshiledi. 

Atalǵan týrnır 15-24 aqpan aralyǵynda Rýmynııanyń Braıla qalasynda ótti. Oǵan 2009-2010 jyly týǵan jasóspirimder qatysty.

Buǵan deıin búgin Alataý eteginde álemniń eń áıgili balýandarynyń basyn qosqan PWL týrnırinde qazaqtyń úsh dúrkin álem chempıony Rızabek Aıtmuqan amerıkalyq áıgili Olımpıada chempıonynan utylyp qalǵanyn jazdyq.