Boks: Qazaqstan Úndistandy 10:0 esebimen utty
ASTANA. 17 aqpan. QazAqparat - Almatyda bokstan «Tórt eldiń kýbogy» tartysynda Qazaqstannyń bylǵary qolǵap sheberleri qarsylastaryn aıqyn basymdyqpen utty.
«Alaman» ulttyq sport portalynyń málimetinshe, Qazaqstan jigitteri keshe 10:0 esebimen úndisterdi oısyrata jeńdi. Endi 18 aqpan kúni sheshýshi aıqas Reseıge qarsy ótedi. Al reseılikter óz kezeginde 16 aqpanda Frantsııany jeńdi - 9:1.
Esterińizge sala keteıik, 15 aqpanda Almatyda bokstan «Tórt eldiń ashyq birinshiligi» atty halyqaralyq týrnır bastalǵan bolatyn. Qazaqstan, Frantsııa, Úndistan, Reseı arasynda ótip jatqan syndy elimizdiń jigitteri sátti bastady. Alǵashqy kezdesýin Frantsııaǵa qarsy ótkizgen Myrzaǵalı Aıtjanov shákirtteri 10:0 esebimen jeńiske jetti.
