Boks: Qazaqstan - Reseı 5:5
ASTANA. 19 aqpan. QazAqparat - «Dostyqta» ótken «tórteýdiń týrnıri» aıaqtaldy. «Alaman» ulttyq sport portalynyń málimetinshe, saıystyń sońǵy kúni Qazaqstan men Reseı sportshylary kezdesti. Úndister men frantsýzdar jigitterimizge qarsy dármensizdik tanytty.
Alaıda, Reseı quramasy álemdik bokstyń bir tutqasyn ustap turǵandyqtan ózimen sanastyrdy.
Reseı quramasynyńboksshylary: 49 kelidegi Mısha Aloıan men 52 kelidegi Davıd Aırepetıan jaraqattaryna baılanysty sharshy alańǵa shyqqan joq. Olarǵa birden jeńilis jazyldy.
Kezdesýdiń shymyldyǵy Ǵanı Jaılaýov pen Albert Selımovtyń jekpe-jegimen ashyldy. Ǵanı reseılikten bir upaılyq aıyrmamen jeńildi. Sergeı Vodopıanovpen qolǵap túıistirgen Qanat Ábýtálipov te jeńilistiń aşy dámin tatty. 64 keli salmaq dárejesinde shyqqan Danııar Eleýsinov Aleksandr Solıanıkovty ońaı jeńip komandasyn alǵa shyǵardy. Jankúıerler taǵatsyzdana kútken jekpe-jektiń de ýaqyty kelip jetti. Sharshy alańǵa álemniń eki dúrkin chempıony Serik Sápıev pen reseılik Andreı Zamkovoı shaqyryldy. Serik qarsylasyn 14 :4 esebimen aıqyn basymdyqpen utyp, 2009 jyly Mılanda ketken esesin qaıtardy.
75 kelide Danabek Sýjanov pen Eýropa chempıony Maksım Koptıakov qolǵap túıistirdi. Jerlesimizden áldeqaıda myqtyraq kóringen Koptıakovtyń bokstasý deńgeıi shyn máninde de joǵary eken. Reseılik bokser Danabekti tyrp etkizbeı taza jeńdi.
81 kelidegi Ádilbek Nııazymbetov pen Egor Mehontsev arasyndaǵy báseke óte tartysty ótti. Eki boksshynyń arasyn eki-aq upaı bóldi. San soqtyrǵan upaılar reseıliktiń paıdasyna jazyldy.
