BOKS: Qazaqstan quramasy jubyn jazbaı Álem chempıonatynyń 1/8 fınalyna shyqty
ALMATY. 21 qazan. QazAqparat - Almatyda ótip jatqan Álem chempıonatynyń 1/16 fınalynda qurama sapyndaǵy sońǵy 4 boksshymyz da keshe óz qarsylastarynan basym tústi.
Atap aıtqanda Berik Ábdirahmanov (60 kg) pýerto rıkalyq Lanıelıto de la Rosany 2:1, al Danııar Eleýsinov (69 kg) Bagam aralynyń ókili Vah Karldy, Ádilbek Nııazymbetov (81 kg) fın Vıllı Hýkkanendi 3:0 esebimen utty.
Búgin Birjan Jaqypov (49 kg), Qaırat Eralıev (56 kg), Mereı Aqshalov (64 kg), Jánibek Álimhanuly (75 kg), Anton Pınchýk (91 kg) ózderiniń ekinshi kezdesýin, ıaǵnı 1/8 fınaldyq oıyndaryn ótkizedi. Olardyń qarsylastary ózbekstandyq Hasanboı Dýsmatov (49 kg) Rýstam Týlaganov (91 kg), qyrǵyzstandyq Ómirbek Malabekov (56 kg), domınıkandyq Karlos Adames (64 kg), meksıkalyq Jýan Merkado (75 kg) bolmaq.
