Boks: Qazaqstan quramasy Varshavada ótetin halyqaralyq týrnırge qatysady
ASTANA. Sáýirdiń 15-i. QazAqparat /Ernur Aqanbaı/ - Bokstan Qazaqstan ulttyq quramasy sáýir aıynyń sońynda Varshavada ótetin «Felıks Stamm» halyqaralyq týrnırine qatysady.
Osymen 27-shi márte uıymdastyrylatyn dástúrli jarysta bizdiń boksshylar alty salmaq dárejesinde óner kórsetedi, dep habarlaıdy QazAqparat.
«Bizdiń sport» saıtynyń málimetinshe, Polsha astanasynda ótetin týrnırde Qazaqstan namysyn 48 kelide Birjan Jaqypov, 54 kelide Danııar Tólegenov, 64 kelide Danııar Eleýsinov, 69 kelide Serik Sápıev, 75 kelide Nurdáýlet Jarmanov, al asa aýyr salmaqta Rústem Іrgebaev qorǵaıdy.
