Boks: Qazaqstan quramasy Tashkenttegi halyqaralyq týnrıde 1 altyn, 1 kúmis jáne 1 qol medal aldy
ASTANA. Mamyrdyń 21-i. QazAqparat /Ernur Aqanbaı/ - Bokstan Tashkentte ótken Ózbekstannyń eńbek sińirgen jattyqtyrýshysy Sıdneı Djaksondy eske alýǵa arnalǵan halyqaralyq týrnırde Qazaqstan quramasy 1 altyn, 1 kúmis jáne 1 qola medaldi jeńip aldy,
dep habarlaıdy QazAqparat.
Altyn medaldi 91 keli salmaqta synǵa túsken Danııar Ústembaev ıelendi. Ol fınalda ırandyq boksshy Alı Mazakerıdi utty. Al, eki dúrkin álem chempıony, 69 keli salmaqta el namysyn qorǵaǵan Serik Sápıev kúmis júldeni qanaǵat tutty. Serik aqtyq synda ózbek boksshysy Azamat Ergashevqa ese jiberdi. Qola júldeni asa aýyr salmaqta óner kórsetken Rýslan Myrsataev enshiledi.
Aıta keteıik, Tashkenttegi halyqaralyq týrnır mamyrdyń 16-20-sy kúnderi ótti. Oǵan Reseı, Germanııa, Iran, Taıvan, Qazaqstan, Qyrǵyzstan jáne Ózbekstan elderinen 100-den astam sportshy qatysty. Bul týrnırde Qazaqstan atynan sondaı-aq, Birjan Jaqypov (49 keli), Mıras Jaqypov (52 keli), Danııar Tólegenov (56 keli), Samat Bashenov (60 keli), Danııar Eleýsinov (64 keli), Danabek Sýjanov (75 keli), Marat Qııasov (81 keli) synǵa tústi.
