Boks: Qazaqstan quramasy reseıliktermen teń tústi
ASTANA. QazAqparat - Elimizdegi AIBA akademııasynda bokstan Qazaqstan, Ózbekstan jáne Reseı ulttyq quramalarynyń búgingi jekpe-jekteri aıaqtaldy, dep habarlaıdy QazAqparat.
Aıta keteıik, úsh el quramalaryn qamtyp otyrǵan bul týrnır 19 aqpanda máresine jetedi dep kútilýde.
Qazaqstan boks federatsııasynyń málimetine qaraǵanda,17 aqpanda túske deıin Qazaqstan men Ózbekstan bylǵary qolǵap sheberleriniń arasynda ótken jekpe-jekterde bizdiń sportshylar aıqyn basymdyqpen jeńdi. Bul kezdesý 9:1 esebimen aıaqtaldy. Atap aıtqanda, tek 91 keliden joǵary salmaqta synǵa túsken Nurlan Saparbaı ózbekstandyq Profsor Rorımshaǵa ese jiberip aldy.
Al tústen keıin Qazaqstan men Reseı komandalary arasyndaǵy kezdesý ózara tartysqa toly boldy. 10 salmaq dárejesinde reseıliktermen aradaǵy bul doda 5:5 esebimen aıaqtaldy. 91 keliden joǵary salmaqtaǵy sońǵy jekpe-jektiń ekinshi raýndynda Qamshybek Qońqabaev qarsylasy Vlad Mýravındi nokdaýnǵa jiberdi. Osy arqyly Qazaqstan boksshysy bul sheshýshi jekpe-jekte reseıliktermen teń túsý múmkindigin iske asyrdy.
Sonymen, búgin sharshy alańǵa shyqqan Qazaqstan men Ózbekstan boksshylary:
49 kelige deıin: Erjan Jomart - Abrorbek Abdýsalamov;
52 kelige deıin: Azat Mahmetov - Abdýllo Kýchkarov;
56 kelige deıin: Qaırat Eralıev - Bahodır Baratov;
60 kelige deıin: Samatáli Tóltaev - Sýlaımon Latıpov;
64 kelige deıin: Qýan Qýatov - Javohır Sobırov; 69 kelige deıin: Danııar Eleýsinov - Fýrkat Shamýratov;
75 kelige deıin: Erik Áljanov - Fanat Kahromonov;
81 kelige deıin: Bek Nurmaǵambet - Dılshod Rýstemov,
91 kelige deıin: Nurbol Altaev - Jamshıd Abdýllaev.
91 keliden joǵary: Nurlan Saparbaı - Profsor Rorımsha.
Budan bólek, tústen keıin saıysqa túsken Qazaqstan men Reseı boksshylary: 49 kelige deıin: Jandos Nesipjan - Bator Salagýev;
52 kelige deıin: Anvar Muzaparov-Tamır Galanov;
56 kelige deıin: Abylaı Saılaýbekov - Rýslan Beloýsov;
60 kelige deıin: Erturǵan Zeınýllın - Albert Batyrǵazıev;
64 kelige deıin: Raı Seıitjanov - Pavel Fedorov;
69 kelige deıin: Alı Akedılov - Vlad Savastıanov;
75 kelige deıin: Abaı Tólesh - Dmıtrıı Nesterov;
81 kelige deıin: Erdos Nurqalı - Georgıı Kýshıtashvılı;
91 kelige deıin: Anton Pınchýk - Mýslım Gadjımagomedov;
91 keliden joǵary: Qamshybek Qońqabaev - Vlad Mýravın.
