BOKS: Qazaqstan boksshylary Ózbekstan quramasyn oısyrata jeńdi
ASTANA. QazAqparat - Astanada bokstan tórt el qurama komandalarynyń matchtyq kezdesýleri jalǵasýda. Bul synda bıyl Qazaqstan, Ózbekstan, Ulybrıtanııa jáne Reseı ulttyq quramalary baqtaryn synap jatyr.
Keshe, 17 aqpan kúni bokstan tórt el matchtyq kezdesýi aıasynda Qazaqstan quramasy Ózbekstan boksshylarymen judyryqtasyp, qarsylastaryn 7:3 esebimen oısyrata jeńdi.
«Jastar» saraıynda ótken týrnırde eń aldymen Ulybrıtanııa men Reseı quramalary ózara synǵa túsken bolatyn. Bul saıysta orys sportshylary qarsylastarynan 3:7 esebimen basym tústi.
Búgin boksshylar demalady. 19 aqpanda - týrnırdiń sońǵy kúninde Ulybrıtanııa Ózbekstan quramasymen qolǵap túıistirse, Qazaqstannyń gúrzi judyryq jigitteri Reseı sportshylarymen kúsh synasady.
Úlken tanymaldylyqqa ıe bolǵan jarys bıyl osymen tórtinshi jyl ótkizilip otyr. Týrnırge brıtanııalyq boksshylar alǵash ret qatysýda. Munyń aldynda komandalyq kezdesýlerge ár jyldary Ázirbaıjan, Úndistan, Reseı, Ózbekstan, Ýkraına jáne Frantsııa quramalary kelip, ózara baq synasqan bolatyn.
Atalmysh matchtyq kezdesýlerdiń 19 aqpanǵa deıin jalǵasatynyn taǵy aıta keteıik. Boks súıer qaýym ony «Jastar» saraıynda nemese Qazaqstannyń boks federatsııasynyń saıtynan onlaın rejımde tamashalaı alady.
