Boks: Qazaqstan boksshylary 9 medal jeńip aldy
ASTANA. QazAqparat - Reseıdiń Habarovsk qalasynda ótken Keńes Odaǵynyń Batyry Konstantın Korotkovty eske alýǵa arnalǵan halyqaralyq týrnırde Qazaqstan boksshylary 2 altyn, 4 kúmis jáne 3 qola medal enshiledi, dep habarlady QR Boks federatsııasynyń baspasóz qyzmetinen.
Atap aıtqanda 75 keli salmaq sanatynda jarys jolyna shyqqan Jánibek Álimhanuly aqtyq kezdesýinde ırandyq Aragıdalg ıAhangırdi, al Nurjan Bekzatov (91 keliden joǵary) majarlyq Ishtvan Bernatty utyp, jeńimpaz atandy.
Al fınaldyq kezdesýge joldama alǵan Jomart Erjan (49 kg) Reseıdiń birneshe márte chempıony Vasılıı Egorovqa, Ádilet Qurmetov (52 kg) qytaılyq Lı Chýng Lıge, Aıdar Ámirzaqov (64 kg) reseılik Vıktorý Mırgorodqa, Dáýren Eleýsinov (81 kg) Eýropa chempıony reseılik Nıkıta Ivanovqa ese jiberip qoıdy.
Qola medal Erjan Ordabaevqa (56 kg), Saǵadat Rahmanqulovqa (69 kg) jáne Anton Pınchýkqa (91 kg) buıyrdy.
Aıta keteıik, bul týrnırge 17 eldiń 71 bylǵary qolǵap sheberi qatysqan bolatyn. Jalpy komandalyq esepte sharshy alań ıeleri birinshi orynǵa shyqsa, ekinshi oryn Qazaqstan quramasyna buıyrdy. Sonymen birge úzdik úshtikke Ázerbaıjan quramasy da taban tiredi.
