Boks: Qazaq arýlary Serbııadaǵy halyqaralyq týrnırde baq synap jatyr
ASTANA. QazAqparat - Serbııanyń Sombor qalasynda ótip jatqan «Ulttar kýbogy» dástúrli halyqaralyq týrnırinde Qazaqstan arýlary alǵashqy aıqastaryn jeńispen bastady, dep habarlaıdy QazAqparat tilshisi.
Atalǵan dodada birinshi bolyp sharshy alańǵa shyqqan álem chempıondary Dına Jolaman, Lázzat Kúngeıbaeva jáne Azııa oıyndarynyń fınalısi Jaına Shekerbekova alǵashqy qarsylastaryn utyp, kelesi aınalymǵa ótti.
54 keli salmaqta Dına Jolaman otandasymyz Gúlmıra Baımanovany 5:0 esebimen aıqyn utsa, 51 kelide Jaına Shekerbekova grekııalyq Kotsýgerpopýlýdan 3:2 esebimen basym tústi. Al Lázzat Kúngeıbaeva óziniń ulttyq quramadaǵy komandalasy Úmit Sadyqovany 4:1 esebimen jeńdi.
Foto www.kfb.kz
