Boks: Qanat Islam kezekti kezdesýin sáýirde ótkizbek
ASTANA. 12 naýryz. QazAqparat - Qazaq boksshysy Qanat Islam Florıda qalasyna jetip, jattyǵý jumystaryna qaıta kiristi. Bul týraly Qanattyń qazirgi menedjeri Nelson Mendes «Alaman» sport portalyna bergen shaǵyn suhbatynda málimdedi.
«Qanat qazir tolyq jattyǵý baǵdarlamasyna kiristi. Sharshy alańǵa sáýir aıynda shyǵýy tıis. ıAǵnı, bir aı óz formasyna kelgen soń boksshy WBC FedeCaribe ataǵyn qorǵaý úshin kezekti kezdesýin ótkizedi. Qanattyń kezekti qarsylasy Panama nemese AQSh eliniń boksshysy bolýy múmkin. Qazir birneshe boksshyǵa usynys tastadyq. Keı boksshylar bizge usynysyn jiberdi. Aldaǵy ýaqytta sheshim shyǵaryp, qarsylasymyzdy anyqtaımyz. Sáýir aıynan keıin mamyrda da birneshe kezdesý ótkizý josparda bar», - dedi N. Mendes.
