BOKS: Ivan Dychko rıngke qaıta oralady
ASTANA. QazAqparat - 2013 jylǵy qarashadan bastap sharshy alańǵa shyqpaǵan qazaqstandyq boksshy Ivan Dychko Tashkentte Sıdneı Djekson memorıalyna qatysady, dep habarlady Qazaqstandyq boks federatsııasy baspasóz qyzmetinen.
Tashkenttegi básekege Dychkodan basqa tórt qazaqstandyq barady. Olar: Zakır Safıýllın (60 kelige deıin), Almasbek Orynǵalıev (69 kelige deıin), Saparbaı Aıdarov (75 kelige deıin) jáne Nurdáýlet Jarmanov ( 81 kelige deıin). Týrnır 13-18 mamyr aralyǵynda ótedi.
Eske sala keteıik, Londondaǵy Olımpıadanyń qola júldegeri, aýyr salmaqtaǵy qazaqstandyq boksshy Ivan Dychko Almatydaǵy álem chempıonatynyń fınalynda Magomedrasýl Medjıdovten nokaýtpen jeńilgen bolatyn. Ol rıngten dárigerlerdiń kómegimen ketti. Sportshynyń babyna kelýi úshin bir jyldaı ýaqyt qajet boldy.
