Boks: Ivan Dychko ıordanııalyq Saıf Badrandy eseńgiretti
ASTANA. 3 shilde. QazAqparat - Ammanda ótip jatqan bokstan Azııa chempıonaty ázirge bizdiń eldiń ulandary úshin jaman bastalmady.
Berik Ábdirahmanov alǵashqy qadamyn jeńispen bastady, dep habarlaıdy «Alaman». Ol jerebe boıynsha birinshi kezdesýinde qytaılyq boksshy Lıý Tsıanmen kezdesti. Berik alǵashqy aınalymnan súrinbeı ótti. Qytaılyq boksshyny 2:1 nátıjesimen jeńip, jarys jolynan shyǵardy. Onyń endigi qarsylasy ırandyq boksshy Ǵanı Ámir. Ol kezdesý 4 shildege josparlanǵan.
Bir ókinishtisi, Іlııas Súleımenov 52 keli salmaqta fılıpındik Reıý Solıýdardan jeńilip qaldy. Esep - 1:2. Al Ivan Dychko aýyr salmaqta ıordanııalyq boksshy Saıf Badrandy utty.
