Boks: Isa Aqberbaev Tışenkodan jeńilip qaldy

EKATERINBÝRG. QazAqparat – Reseıdiń Ekaterınbýrg qalasynda buǵan deıin jeńilip kórmegen qazaqstandyq kásipqoı boksshy Isa Aqberbaev (20-0, 15 KO) pen reseılik Evgenıı Tışenkonyń arasynda jekpe-jek ótti, dep habarlaıdy QazAqparat Sports.kz saıtyna silteme jasap.

Birinshi aýyr salmaqtaǵy aıqas WBO Inter-Continental tıtýly úshin ótti.

Kezdesý 10 raýndqa eseptelgen bolatyn. Alaıda, sońǵy mejesine deıin sozylǵan joq. Qazaqstandyq boksshy besinshi raýndta nokdaýnǵa túsip, kúshin joǵaltty. Keıin jetinshi raýndqa shyǵýdan múldem bas tartty. Osylaısha, Tışenko óziniń chempıondyq beldigin qorǵap qaldy jáne profı-rıngtegi altynshy jeńisine qol jetkizdi. Al Isa Aqberbaev óz mansabynda alǵash ret utyldy.

Eske salsaq, Evgenıı Tışenko buǵan deıin qazaqstandyq taǵy bir boksshy Vasılıı Levıtpen qolǵap túıistirgen bolatyn. 2016 jylǵy Olımpıadada tóreshilerdiń sheshimimen jeńis reseılik sportshyǵa berilgen edi. Alaıda, keıin bul jeńis jankúıerler men sport sarapshylarynyń arasynda daý týǵyzdy.