Boks: I.Dychko Qazaqstan quramasynyń qorjynyna 4-shi altyn saldy
ASTANA. QazAqparat Bangkokte ótip jatqan bokstan Azııa chempıonatynda Ivan Dychko qytaılyq boksshysyn aıqyn basymdyqpen jeńip, Azııa chempıony atandy.
91 keliden joǵary salmaq sanatynda sharshy alańǵa shyqqan I.Dychko alǵashqy raýndta qytaılyq boksshy Jıbao Vangtan basymdyq tanytty. Ivan ekinshi, úshinshi raýndtarda da qytaı boksshysyn aýyr soqqynyń astyna alyp, onyń jeńiske jetýine esh múmkindik bermedi. Osylaısha Qazaqstan qorjyny Ivannyń 4-shi altynymen tolyqty. Buǵan deıin 52 keli salmaq sanatynda sharshy alańǵa kóterilgen jerlesimiz Oljas Sáttibaev buǵan deıin ózbek boksshysy Shahobıddın Zoırovti jeńip, elimizdiń qorjynyna alǵashqy altyn medal salǵan bolatyn. Odan keıin Danııar Eleýsinov Jasóspirimder arasynda 2011 jyly álem chempıony bolǵan fılıppındik Eýmır Martsıaldy jeńip, Azııa chempıony atanǵan edi. Sondaı-aq Vasılıı Levıtte ózbek boksshysy Rýstam Týlaganovtan aılasyn asyryp, qorjynymyzǵa úshinshi altyn salǵan edi. Al ókinishke oraı, 60 keli salmaq sanatynda shashy alańǵa kóterilgen boksshymyz Zákir Safıýllın 2014 jylǵy Azıada chempıony atanǵan mońǵol boksshysy Otgondala Dorjnıambýýǵa ese jiberip, kúmis medaldi qanaǵat tutqan bolatyn.
