BOKS: Halyqaralyq týrnırdiń ekinshi kúni 6 qazaqstandyq boksshy kelesi kezeńge shyqty

Tórt boksshy: Erjan Ordabaev (56 kg), Zákir Safıýllın (60 kg), Darhan Jumsaqbaev (60 kg) jáne Alekseı Sevostıanov (91 kg) qarsylastaryna ese jiberdi.

Al qalǵan boksshylar: Berik Ábdirahmanov (60 kg), Almasbek Álıbekov (64 kg), 2011 jylǵy Azııa chempıony Aıdar Ámirzaqov (64 kg), Aslanbek Shymbergenov (64 kg), Azııa chempıony Anton Pınchýk (91 kg), Asqar Abdollaev (91 kg) qarsylastarynnan basym tústi.

Bul jerde 64 keli salmaq dárejesinde óner kórsetken qazaqstandyq Aslanbek Shymbergenov reseılik Edýard Hýsaınovty, al 91 keli salmaq dárejesinde sharshy alańǵa shyqqan Asqar Abdollaev mońǵolııalyq boksshy Tólek Erbolatty tehnıkalyq nokaýtpen jeńdi.

Aıta keteıik, Halyqaralyq boks qaýymdystyǵy - AIBA-nyń qamqorlyǵy aıasynda ótip jatqan bul týrnırge álemniń 12 elinen 106 boksshy qatysýda. Olar: Ázerbaıjan, Irak, Kýba, Qyrǵyzstan, Mońǵolııa, Reseı, Tájikstan, Taıland, Ózbekstan, Ýkraına, Fılıppın eliniń jáne Qazaqstannyń bylǵary qolǵap sheberleri.

Bir aıta ketetin jáıt, bokstan Irak qurama komandasyn bokstan Qazaqstan ulttyq qurama komandasynyń burynǵy bapkeri Damır Býdanbekov basqarýda.

Bokstan Qazaqstan qurama komandasynyń qazirgi bas bapkeri Myrzaǵalı Aıtjanovtyń aıtýynsha, bul týrnır - aldaǵy qyrkúıek aıynda Ońtústik Koreıanyń Inchhon qalasynda ótetin Azııa oıyndaryna daıyndalýdyń sońǵy kezeńi bolyp tabylmaq. Sondyqtanda bul týrnırge ulttyq qurama komandanyń baryq úsh quramy da qatysyp otyr. Azıadaǵa baratyn boksshylar osy týrnırden keıin belgili bolmaq.

Esterińizge sala keteıik, týrnır jeńimpazdaryna 4 000 dollardan tabys etiledi. Ekinshi oryn alǵan kúmis júldegerler 2000 dollardan alsa, úshinshi oryn alǵandarǵa 1000 dollardan beriledi.

Búgin barlyǵy 20 jekpe-jek ótkizildi.

Erteń, týrnırdiń úshinshi kúngi saıystary Balýan Sholaq atyndaǵy sport saraıynda tústen keıin saǵat 16:00-de bastalady. Kirý tegin.