Boks: Halyqaralyq týrnırde Qazaqstan quramasy 3 altyn men eki kúmis enshiledi
ASTANA. QazAqparat - Bokstan «Ishtvan Boskaı Memorıaly» atty 58-shi halyqaralyq týrnırge qatysqan Qazaqstan quramasynyń barlyq bes múshesi oljaly boldy.
Olar 3 altyn men 2 kúmis medal ıelendi. Osy arqyly komandalyq esepte qazaqstandyq sportshylar ekinshi orynǵa jaıǵasty. Bul týraly Qazaqstan boks federatsııasynyń baspasóz qyzmetinen habarlandy.
Ádilet Qurmetov (52 keli), Erjan Ordabaev (56 keli), Aslanbek Shymbergenov (64 keli) altynnan alqa taqsa, kúmis júlde Erjan Jomart (49 keli) men Nurdáýlet Jarmanovqa (81 keli) buıyrdy. Aıta keteıik, A. Shymbergenov týrnırdiń úzdik bylǵary qolǵap sheberi atandy.
Komandalyq esepte qazaqstandyq boksshylardyń aldyna tek týrnır ıeleri ǵana shyqty. Olardyń atynan saıysqa 30 sportshy shyqty. Al barlyq 10 salmaq dárejesinde tartysqa túsken reseılikter úshinshi orynnan kórindi.
Jalpy majarlyq Debretsen qalasynda 5-8 aqpan aralyǵynda ótken osy dodaǵa 20 elden 108 sportshy qatysty.
