BOKS: H.Allahberdıev álem chempıony ataǵynan aıyrylyp qaldy
ASTANA. QazAqparat - Reseılik Habıb Allahberdıev 63,5 keli salmaq sanatynda Búkilálemdik boks qaýymdastyǵynyń nusqasy boıynsha álem chempıony ataǵyn qorǵaı almady.
Las-Vegasta (Nevada shtaty) amerıkandyq Djessı Vargaspen ótkizgen 12 raýndyq jekpe-jeginde ol upaı sanymen utyldy, dep habarlaıdy ITAR-TASS.
Sonymen Allahberdıev ekinshi ret alǵan belbeýinen aıyrylyp qaldy.
Eske sala ketsek, H.Allahberdıev atalǵan belbeýin 2012 jyldyń 30 qarashasynda Domınıkan Respýblıkasynyń boksshysy Hoan Gýmandy jeńip, utyp alǵan bolatyn. Ol kezde 8 raýndyq kezdesýde reseılik boksshy qarsylasynan upaı sanymen basym túsken edi. Al ótken jyldyń 13 maýsymynda 11-inshi raýndta qarsylasy frantsýzdyq Súleımen M'Baıeni tehnıkalyq nokaýtpen utyp, chempıondyq ataǵyn qorǵap qaldy.
Bul jekpe-jegi úshin reseılik 250 myń dollar aldy. Vargas - 90 myń.
