BOKS: H.Allahberdıev álem chempıony ataǵyn ekinshi ret qorǵamaq
ASTANA. QazAqparat - Reseılik Habıb Allahberdıev 63,5 keli salmaq sanatynda Búkilálemdik boks qaýymdastyǵynyń nusqasy boıynsha álem chempıony ataǵyn ekinshi ret qorǵamaq.
Onyń bul jolǵy qarsylasy - amerıkandyq Djessı Vargas. 12 raýndyq jekpe-jek búgin Las-Vegasta ótedi, dep habarlady ITAR-TASS.
H.Allahberdıev atalǵan belbeýin 2012 jyldyń 30 qarashasynda Domınıkan Respýblıkasynyń boksshysy Hoan Gýmandy jeńip, utyp alǵan bolatyn. Ol kezde 8 raýndyq kezdesýde reseılik boksshy qarsylasynan upaı sanymen basym túsken-di. Al ótken jyldyń 13 maýsymynda 11-shi raýndta qarsylasy frantsýzdyq Súleımen M'Baıeni tehnıkalyq nokaýtpen utyp, chempıondyq ataǵyn qorǵap qaldy.
Bedeldi Boxrec saıtynyń beıresmı tiziminde 8-shi orynda turǵan 31 jastaǵy Allahberdıev jeńilistiń aşy dámin tatyp kórgen joq. 19 kezdesý ótkizip, onyń 9-ynda qarsylasyn sulatyp salǵan.
Aıta keterligi, ol chempıondyq ataǵyn qorǵaý maqsatynda sharshy alańǵa shyqqany úshin 250 myń, al qarsylasy D.Vargas 90 myń AQSh dollaryn alady.
